Պետական գրանցում ստանալուց հետո բիզնեսը ունի 20 օր ժամկետ իր համար հարմար հարկման ռեժիմ ընտրելու համար։
Բացի այդ՝ բնականոն գործունեություն ծավալելու համար հարկավոր է գրանցվել Հարկային մարմնի կայքում այս հղումով:
Համակարգում գրանցվելու համար նախ պետք է գրանցել Լիազոր օգտվող, ով, ըստ էության, Ձեր կազմակերպության ադմին օգտվողն է, որը կարող է հետագայում, ավելացնել կամ փոփոխել օգտվողների իրավասությունները:
Առցանց Լիազորի գրանցման ուղեցույցին կարող եք ծանոթանալ տեսանյութի օգնությամբ։
Հարկման ռեժիմի ընտրությունը բիզնես սկսելիս ամենակարևոր ու էական գործողություն է: Շատ բիզնեսներ բաց են թողնում ընտրության ժամկետը կամ մտածում են, որ պետական ռեգիստրում նշել են իրենց հարկման ռեժիմը, և դա բավարար է: Այս գործողության մեջ թերացումն ամենամեծ ֆինանսական ռիսկերն է պարունակում, ուստի հարկավոր է ամենայն լրջությամբ մոտենալ այս հարցին:
Հարկավոր է ունենալ նույնականացման քարտ, ինչպես նաև նույնականացման քարտի հետ տրվող pin կոդը։
Անհրաժեշտ է ekeng.am կայքում ակտիվացնել ստորագորությունը՝ վճարելով 3000 դրամ։
Անհրաժեշտ է ունենալ նույնականացման քարտն ընթերցող սարք։