Ազգային ժողովն առաջին ընթերցմամբ ընդունել է «Առողջության համապարփակ ապահովագրության մասին» օրենքի նախագիծը:

Ե՞րբ

Օրենքն ուժի մեջ է մտել 2026 թվականի հունվարի 1-ին և նախատեսվում է համակարգի փուլային ներդրում, ինչը նշանակում է, որ բոլոր քաղաքացիները միաժամանակ չեն ներառվի համակարգում։

Ապահովագրության փաթեթը ներառում է՝

• Անվճար հետազոտություններ (արյան անալիզ, ռենտգեն, ուլտրաձայնային հետազոտություն և այլն),Հիվանդանոցային բուժում (թերապևտիկ և վիրաբուժական),
• Սրտի վիրահատություններ (ստենտավորում, շունտավորում),
• Օնկոլոգիական հիվանդությունների բուժում (վիրահատություն, քիմիաթերապիա),
• Դեղորայք (քրոնիկ հիվանդությունների դեպքում),
• Շտապ բժշկական օգնություն։

Ապահովագրական փաթեթից օգտվելու պարտադիր պահանջ է տարեկան անվճար կանխարգելիչ բժշկական զննումը։
Դա չանելու դեպքում բժշկական ապահովագրությունը չի տրամադրվի (բացառությամբ արտակարգ դեպքերի):

Ու՞մ համար է նախատեսված

Համակարգը հունվարի 1-ից գործում է՝

Բնակչության հիմնական խոցելի խմբերի համար (պետության կոմից ապահովագրվող)։ Խոցելի խմբեր են համարվում՝

• Մինչև 18 տարեկան երեխաներ,
• 65 տարեկան և բարձր տարիքի անձինք,
• Հաշմանդամություն ունեցող անձինք,
• Սոցիալապես անապահով («Փարոս» համակարգում ընդգրկված) ընտանիքների անդամներ,
• Չեռնոբիլի ատոմակայանի վթարի վերացման աշխատանքների մասնակիցներ,
• Երկրորդ համաշխարհային պատերազմի մասնակիցներ և բռնադատվածներ,
• Հաշմանդամություն ունեցող անձի խնամող հանդիսացող ծնողներից մեկը։

200․000 դրամից ավելի աշխատավարձ ստացող աշխատակիցների համար։ Օրենքը տարածվում է ինչպես ՀՀ քաղաքացիների, այնպես էլ օտարերկրյա քաղաքացիների վրա, ովքեր աշխատում են ՀՀ-ում և ունեն ՀՀ կացության վկայական։ Ցավոք, առայժմ մեզ չի հաջողվել պարզել՝ արդյոք սա կիրառվում է կացության թույլտվություն ունեցող անձանց և երկրում չբնակվող աշխատողների նկատմամբ։

Եթե 2025 թվականի նոյեմբերից սկսած աշխատողի աշխատավարձը թեկուզ մեկ ամսում (ներառյալ հարկերը) գերազանցել է 200 000 դրամը, ապա նա ավտոմատ կերպով սկսում է մասնակցել պարտադիր բժշկական ապահովագրությանը (ՊԲԱ) մինչև տարվա վերջը։

ԱՁ-ներ՝ 2․400․001 դրամ և ավելի տարեկան շրջանառությամբ։ Եթե Ձեր եկամուտը 2025 թվականի ընթացքում կազմել է 2․400․001 դրամ, ապա Դուք ավտոմատ կերպով դառնում եք ՊԲԱ շահառու։

Վճարի չափը

• Խոցելի խմբերի համար՝ 0 դրամ (վճարում է պետությունը)
• ԱՁ-ների համար ՝ տարեկան 129․600 դրամ 
• Աշխատող քաղաքացիների համար ՝ տարեկան նախատեսվում է 120․000 – 164․400 դրամ՝ կախված աշխատավարձից, ընդ որում դրա մի մասը կարող է վճարել պետությունը։ Այսպիսով՝ մինչև 500․000 դրամ վաստակողների համար կփոխհատուցի պետությունը։