ԱԱՀ, թե շրջանառության հարկ․ ո՞րն է ավելի շահավետ
Շրջանառության հարկը միշտ չէ, որ ավելի ձեռնտու է։ Եթե ներմուծում եք ապրանք և վաճառում ԱԱՀ վճարող բիզնեսների, հաճախ հենց ԱԱՀ ռեժիմն է ավելի շահավետ։ Համեմատությունը՝ հաշվարկներով և ինտերակտիվ հաշվիչով։
Կա հստակ գործնական կանոն․ եթե ձեր բիզնեսը ներմուծում է ապրանք, աշխատում է ոչ շատ բարձր շահութաբերությամբ և վաճառում է այլ կազմակերպությունների, սուպերմարկետների ցանցերին կամ ԱԱՀ-ով աշխատող ընկերություններին, ապա հաճախ հենց ԱԱՀ-ով աշխատելն է ավելի շահավետ ստացվում։
Սա այն թեմաներից է, որտեղ լավ հաշվապահությունը, ժամանակին ստացված հաշվապահական ծառայությունները և հարկային խորհրդատվությունը կարող են անմիջապես ազդել բիզնեսի շահույթի վրա։ Հատկապես եթե նոր եք սկսում գործունեությունը և դեռ ընտրում եք հարկային ռեժիմը, համեմատությունը պետք է անել հենց սկզբում։
Ինչո՞ւ է առաջանում սխալ պատկերացումը
Շրջանառության հարկը շատերի համար ավելի պարզ է թվում։ Թվում է՝ եթե վաճառքի վրա ԱԱՀ չկա, ընդհանուր հարկային բեռն էլ անպայման փոքր է։ Բայց ներմուծման դեպքում կա մի կարևոր տարբերություն․ ներմուծման պահին վճարված ԱԱՀ-ն շրջանառության հարկի դեպքում մնում է ծախսի և ապրանքի ինքնարժեքի մեջ, իսկ ԱԱՀ ռեժիմում՝ օրենքով նախատեսված պայմաններով դառնում է հաշվանցվող գումար։
Պարզ օրինակ․ նույն ապրանքը երկու ռեժիմով
Ենթադրենք՝ ապրանքը ներմուծվում է 100 դոլարով։ Վճարվում է 10% մաքսատուրք՝ 10 դոլար, այնուհետև 110 դոլարի վրա հաշվարկվում է 20% ԱԱՀ՝ 22 դոլար։
$100
Ապրանքի արժեք
$10
Մաքսատուրք՝ 10%
$22
Ներմուծման ԱԱՀ՝ 20%
Այստեղից հետո երկու հարկային ռեժիմները սկսում են աշխատել տարբեր տրամաբանությամբ։
Շրջանառության հարկ
Ներմուծման 22 դոլար ԱԱՀ-ն չի հաշվանցվում և մտնում է ինքնարժեքի մեջ․ ինքնարժեքը դառնում է 132 դոլար։ 150 դոլարով վաճառելիս՝
150 × 10% = 15
132 × 9.5% = 12.54
15 − 12.54 = 2.46
ԱԱՀ + շահութահարկ
Ներմուծման 22 դոլար ԱԱՀ-ն հաշվանցվում է, ուստի ինքնարժեքը մնում է 110 դոլար։ 150 դոլար մաքուր գնին ավելանում է 30 դոլար ԱԱՀ, վճարման ենթակա տարբերությունը 8 դոլար է։
150 − 110 = 40
40 × 18% = 7.20
40 − 7.20 = 32.80
Շրջանառության հարկի դեպքում նվազագույն շեմը 150 × 1% = 1.50 է։ Քանի որ 2.46-ը մեծ է, հարկը 2.46 դոլար է, իսկ մաքուր շահույթը՝ 15.54 դոլար։ ԱԱՀ ռեժիմում մաքուր շահույթը 32.80 դոլար է՝ +17.26 դոլար յուրաքանչյուր ապրանքից։
Տարբերությունը 17.26 դոլար է հօգուտ ԱԱՀ ռեժիմի։ Պատճառը պարզ է․ շրջանառության հարկի դեպքում ներմուծման ԱԱՀ-ն մնացել է ինքնարժեքի մեջ, իսկ ԱԱՀ ռեժիմում այն հաշվանցվել է։
Սցենար 1․ վաճառում եք այլ բիզնեսների
Սա B2B սցենարն է․ դուք վաճառում եք խանութների, դիստրիբյուտորների, սուպերմարկետների ցանցերի կամ այլ ԱԱՀ վճարող կազմակերպությունների։ Գնորդը սովորաբար կարող է ձեր հաշվում առանձնացված ԱԱՀ-ն հաշվանցել, ուստի այն նրա համար վերջնական հավելյալ ծախս չէ։
| Շահութաբերություն | Գին առանց ԱԱՀ | Շահույթ՝ ԱԱՀ | Շահույթ՝ շրջհարկ | Շահավետ է |
|---|---|---|---|---|
| 30% | 143.00 | 27.06 | 9.24 | ԱԱՀ |
| 50% | 165.00 | 45.10 | 29.04 | ԱԱՀ |
| 100% | 220.00 | 90.20 | 78.54 | ԱԱՀ |
| 150% | 275.00 | 135.30 | 128.04 | ԱԱՀ |
| 200% | 330.00 | 180.40 | 177.54 | ԱԱՀ |
| ≈ 232.5% | 365 | 209.72 | 209.72 | Հավասար |
| 250% | 385.00 | 225.50 | 227.04 | Շրջհարկ |
| 300% | 440.00 | 270.60 | 276 | Շրջհարկ |
| 400% | 550.00 | 360.80 | 375.54 | Շրջհարկ |
| 500% | 660.00 | 451.00 | 474.54 | Շրջհարկ |
| 600% | 770 | 541 | 573.54 | Շրջհարկ |
Շահութաբերությունը՝ վաճառքի գնի և 110 դոլար ինքնարժեքի տարբերությունը նույն ինքնարժեքի նկատմամբ։
Ո՞ր ռեժիմն է շահավետ՝ ըստ շահութաբերության
Մինչև 232.5% ավելի շահավետ է ԱԱՀ ռեժիմը, դրանից հետո՝ շրջանառության հարկը։
Հաշվե՞նք հենց ձեր բիզնեսի տարբերակը
Մասնագետի հետ կհամեմատեք իրական ինքնարժեքը, գինը և հարկային ռեժիմները
Սցենար 2․ նույն վերջնական գինը
Եթե շուկան թույլ չի տալիս վերջնական գինը բարձրացնել, ԱԱՀ-ն այլևս առանձին չեք ավելացնում գնորդի վճարած գումարին, այլ տեղավորում եք նույն գնի ներսում։ Սա բնորոշ է վերջնական սպառողին ուղղված B2C վաճառքին։
| Շահութաբերություն | Վերջնական գին | Շահույթ՝ ԱԱՀ | Շահույթ՝ շրջհարկ | Շահավետ է |
|---|---|---|---|---|
| 0.5% | 132.66 | 0.45 | −0.67 | ԱԱՀ |
| 1% | 133.32 | 0.90 | −0.01 | ԱԱՀ |
| 2% | 134.64 | 1.80 | 1.29 | ԱԱՀ |
| 2.5% | 135.30 | 2.26 | 1.95 | ԱԱՀ |
| 3% | 135.96 | 2.71 | 2.60 | ԱԱՀ |
| ≈ 3.26% | 136.30 | 2.94 | 2.94 | Հավասար |
| 4% | 137.28 | 3.61 | 3.91 | Շրջհարկ |
| 5% | 138.60 | 4.51 | 5.21 | Շրջհարկ |
| 7% | 141.24 | 6 | 7.66 | Շրջհարկ |
| 10% | 145.20 | 9.02 | 11.22 | Շրջհարկ |
| 20% | 158.40 | 18 | 23 | Շրջհարկ |
Ո՞ր ռեժիմն է շահավետ՝ ըստ շահութաբերության
Նույն վերջնական գնի դեպքում ԱԱՀ-ի առավելության գոտին ավարտվում է մոտ 3.26%-ում։
Հաշվեք ձեր ապրանքի համար
Մուտքագրեք մեկ ապրանքի տվյալները։ Հաշվիչը համեմատում է մաքուր շահույթը երկու ռեժիմում և գտնում հավասարության կետը։
Հաշվարկը մոտավոր է․ մաքսատուրքի դրույքը կախված է ապրանքի ծածկագրից։
Ո՞ր բիզնեսի համար որն է ավելի հարմար
ԱԱՀ-ն հաճախ շահավետ է, եթե՝
- ներմուծում եք ապրանք,
- վաճառում եք այլ ԱԱՀ վճարող բիզնեսների,
- կարող եք ԱԱՀ-ն ավելացնել մաքուր գնին,
- աշխատում եք ցածր կամ միջին մարժայով։
Շրջհարկը հաճախ շահավետ է, եթե՝
- աշխատում եք վերջնական սպառողի հետ,
- շուկան թելադրում է ֆիքսված վերջնական գին,
- չեք կարող ԱԱՀ-ն ավելացնել գնին,
- աշխատում եք բարձր հավելաճով։
Ինչ պետք է անի լավ հաշվապահը
Բիզնեսի գրանցումը միայն առաջին քայլն է։ Ճիշտ հաշվապահությունը պետք է օգնի հասկանալ՝
- ով է ձեր հիմնական գնորդը,
- կարո՞ղ եք ԱԱՀ-ն ավելացնել գնին,
- որն է իրական ինքնարժեքը,
- ինչ միջին շահութաբերությամբ եք աշխատելու,
- որ ռեժիմում է ավելի շատ մաքուր շահույթ մնալու։
Սրա համար հաճախ պետք է ոչ թե պարզապես հաշվապահ, այլ հաշվապահական խորհրդատվություն, որը բիզնեսին նայում է նաև որպես ֆինանսական մոդել։ Շատ ընկերություններ գումար են կորցնում ոչ թե վաճառքի պակասից, այլ սկզբում սխալ հարկային ռեժիմ ընտրելու պատճառով։
Հաճախ տրվող հարցեր
Ոչ։ Եթե վաճառում եք այլ ԱԱՀ վճարող կազմակերպությունների և աշխատում եք ոչ շատ բարձր մարժայով, հաճախ հենց ԱԱՀ ռեժիմն է ավելի շահավետ։
Հիմնականում այն դեպքում, երբ ձեր գնորդները կարող են հաշվանցել հաշվում առանձնացված ԱԱՀ-ն, իսկ դուք կարող եք այն ավելացնել մաքուր վաճառքի գնին։
Միայն շատ ցածր շահութաբերության դեպքում։ Մեր ուսումնական օրինակում սահմանային ցուցանիշը մոտ 3.26% է։
Լավագույն պահը բիզնեսի գրանցումից առաջ կամ հենց սկզբնական փուլում է, երբ դեռ կարող եք ճիշտ ընտրել հարկային ռեժիմը և գնային մոդելը։
Գրանցվե՛ք անվճար խորհրդատվության
Գրեք մեզ
Կամ լրացրեք ձևաթուղթը, և մենք կկապվենք ձեզ հետ